पुणे : मुळशी पॅटर्न या गाजलेल्या चित्रपटानंतर लेखक, दिग्दर्शक, अभिनेते प्रवीण तरडे ‘सरसेनापती हंबीरराव’ हा भव्य ऐतिहासिक चित्रपट घेऊन येत आहेत. नुकतेच पाच शेतकऱ्यांच्या हस्ते किल्ले रायगडावर या चित्रपटाच्या संहितेचे पूजन करण्यात आले.
या वेळी प्रवीण तरडे, संदीप मोहिते पाटील, धर्मेंद्र बोरा व सौजन्य निकम हे निर्माते, तसेच धैर्यशील मोहिते पाटील, महेश लिमये, अभिनेता राकेश बापट, सुनील अभ्यंकर, रमेश परदेशी, अमोल धावडे, सुनील पालकर, तेजपाल वाघ, निखिल चव्हाण, अनिरुद्ध दिंडोरकर, शिवव्याख्याते आणि इतिहास संशोधक सौरभ करडे, मार्केटिंग डायरेक्टर विनोद सातव, कार्यकारी निर्माते विशाल चांदणे यांच्यासह शेतकरी, माजी सैनिक आणि सरसेनापती हंबीरराव मोहिते यांच्या तळबीडचे ग्रामस्थ आणि चित्रपटाचे कलाकार, तंत्रज्ञ उपस्थित होते. लवकरच या चित्रपटाच्या चित्रीकरणाला सुरुवात होणार असून, २०२० मध्ये तो प्रदर्शित होणार आहे.
